O Concello de Culleredo participa nos Campamentos deportivos de verán 2023 da Deputación Provincial da Coruña, en concreto na segunda quenda, que transcorre dende o 9 ao 14 de xullo.

Poden solicitar a súa participación nestes campamentos os nenos e nenas nacidos/as entre o 01.01.2009 e o 31.12.2014, empadroados/as no Concello de Culleredo ata a data de finalización do prazo de inscrición (07.06.2023)

Os participantes desfrutarán de 5 días con aloxamento e manutención na residencia que a Deputación da Coruña ten no IES Rosalía Mera. A entrada será o domingo entre as 18:00 h e as 19:30 h e a saída o venres seguinte entre as 16:00 h e as 17:00 h.

O prezo de inscrición é de 85,00 € que serán aboados no momento de confirmación da praza.

O Concello de Culleredo ten asignadas 8 prazas. En caso de ter máis solicitudes que número de prazas concedidas, realizarase un sorteo público para adxudicalas. Terán preferencia os/as rapaces/zas que non desfrutaran de ningún campamento de verán da Deputación en edicións anteriores.

O prazo de inscrición é do 12 de maio ao 7 de xuño de 2023.

Os boletíns de inscrición deberán presentarse  debidamente cubertos, con todos os datos visibles e lexibles, no Rexistro Xeral do Concello (Casa Consistorial - Tarrío), no rexistro auxiliar sito no Edificio de Servizos Múltiples (R/Ramón Cabanillas 14, O Burgo) ou na sede electrónica sedeelectronica.culleredo.es. Tamén poderán presentarse en calquera outra forma prevista na Ley 39/2015, de 1 de outubro, do procedemento administrativo común das Administracións Públicas.