O Edificio de Servizos Múltiples do Burgo encherase mañá co gran espectáculo teatral que ofrecerá a compañía cullerdense El Ruiseñor, incluído na programación cultural do Concello de Culleredo. Terá lugar ás 19.30 horas e leva por título "Érase unha vez...o Nadal". Á conclusión do espectáculo, os pequenos recibirán unha grata sorpresa. O Carteiro Real visitará aos pequenos para escoitar as súas peticións a poucas horas da chegada dos Reis Magos.
O Concello de Culleredo comeza o ano cunha forte programación cultural e de ocio para os máis pequenos do municipio. A primeira actividade do 2013 será un obradoiro de maxia que terá lugar no Edificio de Servizos Múltiples do Burgo o xoves 3 a partires das 17.00 horas. Posteriormente, ás 19.30 horas celebrarase a actuación do recoñecido Mago Pablo.
Un gran espectáculo de carácter interxeneracional abarrotará o auditorio do Edificio de Servizos Múltiples do Burgo o sábado 22 de decembro. O Concello une a excelencia artística da compañía de teatro El Ruiseñor coas impresionantes voces da coral Fonte do Souto. Un total de 100 persoas conforman este espectáculo. Haberá desde nenos de 4 anos ata maiores de 80 da coral. Durante a función, unha conxugación entre a teatralidad e as panxoliñas dos maiores.
O Concello de Culleredo abre o prazo de preinscrición para os campamentos de Nadal 2012 que organiza. Baixo o lema de "Un Nadal divertido na casa da Dragona Ramona", os pequenos de 3 a 12 anos de idade poderán desfrutar de distintas actividades no Edificio de Servizos Múltiples do Burgo do 26 ao 7 de xaneiro.
O Concello de Culleredo organizou o XVIII Curso de Micoloxía que tivo lugar no Edificio de Servizos Múltiples do Burgo desde o 7 ao 10 de novembro. O curso foi impartido polo biólogo Carlos Pastoriza Avilés e incluíu unha viaxe e recolleita de cogomelos na zona de Torre Lavandeira, en Aranga.
O Concello de Culleredo deu por concluído onte o certame de pintura “Pintor Argüelles” coa entrega de agasallos aos participantes. O acto tivo lugar na Aula de Natureza do xardín botánico do Burgo, onde nas últimas semanas permaneceron expostas as obras.
O Concello de Culleredo e a Asociación Galega de Apicultura inauguraron o primeiro Apiario Urbano da comunidade galega. Sitúase no Burgo, no xardín botánico. O goberno local promoverá actividades didácticas e formativas sobre as abellas e o mel.
Culleredo celebrará o vindeiro sábado 27 de outubro a tradicional festa do Magosto Municipal. Terá lugar no parque recreativo de Celas, a partires das 6 da tarde. Os asistentes poderán degustar castañas asadas, touciño á brasa, viño novo e queimada. A festa estará amenizada polo Dúo Compás.
O Concello de Culleredo organiza o XVIII Curso de Micoloxía que terá lugar no Edificio de Servizos Múltiples do Buego entre o 7 e o 10 de novembro. O curso inclúe unha viaxe e recolleita de cogomelos na zona de Torre Lavandeira no concello de Curtis.
Trámites en linea, tablón oficial, carpeta ciudadana...
Emisiones en directo y material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER