Nova imaxe da sala infantil da Biblioteca do Burgo

A sala infantil da Biblioteca do Burgo presenta xa nova cara. O Concello de Culleredo acaba de executar un proxecto de mellora da dependencia, situada na primeira planta do Edificio de Servizos Múltiples do Burgo, deixándoa así preparada para a súa próxima reapertura. 
 
Entre as principais novidades da actuación xa completada atópase a creación dun recuncho específico para bebés. Cun recinto de cores, os máis pequenos contan agora cunha zona para os seus xogos con maior seguridade.
 
O Concello renovou o pintado de toda a dependencia, recorrendo a cores vivas para adaptala ao máximo ao público infantil ao que se dirixe. Tamén se introduciron novos elementos decorativos na sala, sempre coa intención de animar aos nenos á lectura. Ademais, levaron a cabo traballos de arranxo dalgúns danos, como o conxunto do falso teito.
 
A sala infantil da Biblioteca recibe usuarios practicamente a diario, e especialmente nas actividades de animación que organiza o Concello de forma semanal. A mascota da Biblioteca, a Dragona Ramona, é unha asidua, promovendo contacontos, talleres de lectura ou contos en inglés para os pequenos.
 
A Biblioteca reabrirá as súas portas nas próximas semanas, tras trasladar a súa actividade á Biblioteca de Vilaboa mentres se realizaban as obras de rehabilitación do Edificio de Servizos Múltiples do Burgo. Agora, co inminente traslado dos servizos municipais ao edificio, poderase iniciar o curso coas dúas Bibliotecas.

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Canle Culleredo

Emisión en directo de plenos municipais e material audiovisual municipal.

Acceda a canle

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina