O sábado 25 de abril, Culleredo celebrará o XIII Encontro de corais. Esta iniciativa organizada pola Concellaría de Educación, vense desenvolvendo todos os meses de abril desde hai xa 13 anos e pretende servir de encontro de distintas corais galegas para intercambiar e compartir as aprendizaxes que adquiriron os alumnos e alumnas ao longo de todo o ano, así como de espazo de divertimento.

O acto terá lugar ás 18:30 horas no salón de actos "Gustav Mahler" do Conservatorio Profesional de Música e é aberto a todo o público.

Este ano contarase coa participación da "Coral de maiores de Bergondo" dirixida por José Luis Galán Ferro, "Coral polifónica San Martín" de Meirás, Sada,dirixida por Manuel Deus Lareo, a Coral " Estrelas do mar" de Cedeira, baixo a batuta de Antonio Suárez Aneiros e a "Coral e grupo instrumental de Culleredo", baixo a dirección de Guadalupe Teuntor.

Interpretarán diversas pezas da musicoloxía popular e tradicional galega así como outras de diferentes autores españois e latinoamericanos.