Os XXIV Xogos da Amizade de Judo reunirán este sábado, 2 de abril, a máis de 500 nenos en Culleredo. A cita vai realizarse no polideportivo do Colexio Rías Altas, a partir das 11:00, coa colaboración do Concello de Culleredo.

A organización prevé contar con máis de 500 judokas dos concellos de Culleredo, Cambre, Oleiros,  Carral, A Coruña, Arteixo, Santiago e Ferrol. As idades dos participantes comprenden entre os 3 e 16 anos e espérase ademais un cheo no pavillón coa asistencia dos familiares e acompañantes.

A programación será a seguinte:

11:00-Recepción de participantes

11:10-Comezo dos Xogos
     
12:15-Entrega de agasallos e agradecemientos aos patrocinadores.

12:30-Demostración e exhibición de judo

12:40-Entrega de agasallos aos participantes

O concelleiro de Deportes de Culleredo, Miguel Suárez, agradece a organización dunha proba, na que o compañeirismo e intercambio de experiencias é o primeiro obxectivo.