O Concello de Culleredo avogou sempre por unha rede pública de escolas infantís co obxecto de poder atender aos pequenos de 0 a 3 anos de idade. Unha iniciativa para favorecer a conciliación a moitas familias e que ademais veu cultivando un éxito sobresaliente.

En Culleredo hai tres escolas infantís públicas, a través do Consorcio Galego do Benestar, dependente da Xunta: no Burgo, Vilaboa e Fonteculler. Nos últimos anos as listas de espera eran grandes e o Consorcio acaba de dar a coñecer as listas definitivas reafirmouse a necesidade de, polo menos, unha cuarta escola en Culleredo.

Son 251 pequenos os que quedan sen praza, en lista de espera: 180 na franxa de 1 a 2 anos, e 71 na franxa de 2 a 3.

Estes datos incontestables farán que o Concello insista no seu defensa dunha nova escola infantil. O goberno municipal ofrecerá á Xunta ou ben locais municipais ou ben terreos para que esta poida tramitar a nova apertura.

O Concello considera que é unha petición lóxica e razoable dadas as cifras de familias que non puideron a acceder a unha praza. E por iso ofrece toda a súa colaboración coa Xunta para facer realidade en principio unha cuarta escola.