O Club de Natación Albatros, co que colabora o Concello de Culleredo, prepara a campaña de natación para a nova tempada. Os cursos comezarán o 30 de setembro, prolongándose ata o 13 de xuño de 2014. Celebraranse no parque acuático de Acea de Ama.

O Club deseñou unha campaña con diferentes en grupos en horarios comprendidos entre as 16.00 e as 18.00 horas de luns a venres. Como novidade, a iniciativa inclúe este ano grupos para maiores de 30 anos os venres pola tarde, unha opción que até agora non se ofertaba e que se espera conte con gran respaldo.

Para anotarse aos cursos será necesario formalizar a inscrición a partir da próxima semana, no Edificio de Servizos Múltiples do Burgo. Admítense nenos a partir dos 4 anos de idade. A cota é de 35 euros mensuais, incluíndo o seguro médico.

A inscrición pódese atopar na páxina web municipal, www.culleredo.es. Para maior información pódese contactar co Club Natación Albatros no 981 16 31 44.