O Concello de Culleredo informa de que, debido ás obras de abastecemento de auga que está a executar Emalcsa na avenida de Ribados, cambiarase a localización de varios postos no Feirón de Acea de Ama deste domingo, 14 de abril.

En concreto, os postos que habitualmente se sitúan na avenida de Ribados e na avenida de Rutis, principalmente de alimentación e produtores locais, trasladaranse cara arriba na rúa Vicente Risco, a continuación dos que se instalan sempre nesa vía.

A nivel de circulación manterase a configuración provisional, co desvío desde a entrada do parque deportivo ata a avenida de Ribados.