O Concello dedica o Día da Muller ás artesás de Culleredo

O Concello de Culleredo amplía a programación de actos para conmemorar o Día da Muller. Nesta ocasión, a proposta municipal enfocará a celebración ás mulleres artesás de Culleredo, baixo o título de "Enfiando camiños". "O obxectivo é visibilizar o papel da muller neste campo e polo en valor", explica Lupe Pombo, concelleira de Benestar Social e Igualdade.

O acto central terá lugar o 8 de marzo, o propio Día da Muller, no Conservatorio Municipal de Música ás 19.00 horas. O Concello contará cunha artesá de referencia en Galicia, como é a zoqueira Elena Ferro, que dará unha charla explicando a súa experiencia de converter produtos artesanais en modernidade sen renunciar ao tradicional.

Xunto a ela, participará tamén un grupo de mulleres cullerdenses, que representan os diversos oficios artesáns, como son: Maruja Campá e Maruja Naya, as panadeiras da Panadaría Naya, Conchi Canoura, investigadora e deseñadora de encaixes, Pilar García, bordadora de Castro-Laxe, Marisol Conde, de Artesanías de Soedade, mestra de talleres de artesanía con mulleres de etnia xitana neste concello, Pepa Veira, de Fonteculler con labores con fío, e Mª Jesús Castiñeira, educadora que traballa con mulleres con discapacidade, no Centro Ocupacional A Escada.

A música estará presente no acto, contando con alumnas do Conservatorio para a apertura e coa cantante e instrumentalista local Lydia Botana, quen nos ofrecerá unha selección de pezas dos seus últimos discos.  O acto será aberto a toda a poboación.

Ceas de mulleres
Como vén sendo tradición, as asociacións de mulleres de Culleredo tamén celebrarán o Día da Muller organizando dúas ceas:

  • Cea no Pazo de Vilaboa: venres 11 de marzo. Organizada polas asociacións de Mulleres Rosalía de Castro e Asociación de Mulleres A Xeca,
  • Cea en Celas, Casa Jacinto: sábado 12 de marzo. Organizada por un grupo de mulleres do rural.

Actividades culturais
Co fin de contribuír de maneira transversal á igualdade entre homes e mulleres con actos de empoderamiento da muller, a Concellaría de Cultura inclúe tamén contidos de xénero nas actividades da súa programación. Son as seguintes:

  • Teatro: Abrapalabra. "As do peixe", que se representou o pasado venres,
  • Tertulia de Historia: Mulleres na historia de Culleredo. Mércores, 9 e 16 de marzo, ás 11.30 e 19.30 horas respectivamente na Biblioteca de Vilaboa.
  • Presentación do libro: "Un camiño de conquistas. A historia dunha muller obstinada" de Amparo Ramallo Verissimo. En Vila Melania, o martes, 15 de marzo ás 20.00 horas.

Alfabetización de mulleres: Grupo QuereLER
Outro dos obxectivos da Concellaría de Igualdade, na liña estratéxica de igualdade de xénero e empoderamiento da muller, é proporcionar as ferramentas imprescindibles para a súa autonomía persoal, social e laboral. Para isto comezará unha acción formativa de alfabetización en escritura e en dixital para grupos de mulleres de orixe xitana, desde o mes de marzo ao mes de xuño, en horario de mañá, na aula de Informática do Centro de Vilaboa.

Sede electrónica

Acceda a la información de los procedimientos del catálogo municipal, a la descarga de solicitudes, al registro electrónico...

Acceder a los servicios

 

Canal Culleredo

Emisión en directo de plenos municipales y material audiovisual municipal.

Accede al canal

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina