O Concello leva a pleno correccións no Plan Xeral que atenden a gran parte das alegacións

A corporación de Culleredo celebra este xoves, 29 de agosto, a súa sesión plenaria ordinaria. A pesar de que noutras ocasións non tivo lugar o pleno de agosto por carecer de moitos asuntos de relevancia, o goberno municipal someterá a votación este xoves propostas xa anunciadas e outras novas de gran importancia para os veciños do municipio.

O principal asunto versará sobre o Plan Xeral de Ordenación Municipal, aprobado de forma inicial o pasado mes de xaneiro. Tras rematar a fase de exposición pública e no proceso de estudo das alegacións recibidas, o equipo redactor detectou diferentes erros que considera preciso corrixir canto antes.

A principal corrección refírese ás distancias cos lindeiros das parcelas para o desenvolvemento de construcións. No documento aprobado en xaneiro fixábase esa distancia en 5 metros. Con todo, o equipo redactor constatou que se trataba dun erro, dado que no Plan Xeral vixente hoxe en día esa distancia era de 3 metros, cuestión que entende debe manterse.

O mesmo ocorre con outros parámetros, como as alturas das naves industriais ou dos equipamentos. A corrección destes erros evitará situacións de fóra de ordenación coa próxima aprobación do documento urbanístico.

Outros erros atopados refírense a ámbitos en concreto, como a fixación dun colector antigo na parcela onde se levantará o novo colexio de Educación Infantil e Primaria.

Con estas modificacións que se levan a pleno, o Concello dará resposta favorable á maior parte das alegacións recibidas no período de exposición pública, que se referían especialmente á separación cos lindes.

O procedemento será o seguinte: o pleno aprobará o xoves de forma inicial estas rectificacións. As partes do PXOM afectadas por estas correccións estarán posteriormente en exposición pública durante dous meses, na Casa do Concello. En paralelo, o Concello notificará os cambios aos afectados e ás administracións por se teñen que actualizar o seu informe.

Estas correccións son necesarias para garantir que o Plan Xeral dea resposta aos cidadáns. O proceso non vai demorar en ningún caso os prazos previstos dado que o Concello segue á espera de informes sectoriais para poder responder as alegacións.

Sede electrónica

Acceda a la información de los procedimientos del catálogo municipal, a la descarga de solicitudes, al registro electrónico...

Acceder a los servicios

 

Canal Culleredo

Emisión en directo de plenos municipales y material audiovisual municipal.

Accede al canal

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina