O Concello de Culleredo amosa o seu profundo sentir polo tráxico accidente de ferrocarril que tivo lugar na tarde de onte en Santiago de Compostela. O goberno municipal, en nome da corporación, desexa trasladar os maiores ánimos e a súa solidariedade aos familiares, amigos e achegados das vítimas do accidente.

Dada a traxedia, o Concello acordou coas Comisións de Festas do Burgo e de Castelo a suspensión dos festexos previstos para o día de hoxe por respecto ás vítimas do accidente. O goberno local quere agradecer o xesto das comisións.

Mañá, o Concello manterá unha reunión cos representantes de ambas comisións para tomar unha decisión sobre as restantes xornadas de festas. Posteriormente, o equipo de goberno se reunirá tamén cos voceiros dos grupos políticos.

Ademais, ás 12.00 horas terá lugar unha concentración silenciosa diante da Casa do Concello en memoria das vítimas.