O Concello de Culleredo inicia o 14 de xaneiro un grupo de apoio dirixido a persoas con depresión. Esta iniciativa ten como finalidade a mellora da súa calidade de vida.

Como obxectivos mais específicos, preténdese prestar un apoio psicosocial a aquelas persoas que se atopan nunha situación anímica desfavorable, e proporcionarlles habilidades sociais e persoais que lles permitan afrontar con maior positividade as actividades da vida diaria. O apoio mutuo e as experiencias individuais, serán as claves metodolóxicas que se aproveiten para o traballo nas sesións.

A actividade, dirixida e conducida pola técnica municipal María Teresa Etchevers Lemus, terá lugar os segundos e cuartos luns de mes, en horario de 17:30 a 19:00 horas, e desenvolverase no Centro Municipal de Servizos Sociais do Burgo. Terá un carácter permanente e aberto, neste senso, as persoas participantes poderán deixar o grupo cando melloren a súa situación, e deste xeito deixar a praza a outra persoa que o necesite. A capacidade inicial está prevista para 15 persoas como máximo, podendo dar cabida no ano a 20 persoas.

As persoas interesadas nesta actividade poden chamar ao teléfono 981.654570. Na actualidade hai algunhas prazas vacantes.