Aberta a rúa Moncho Reboiras no centro do Burgo, cun centenar de aparcamentos

rúa moncho reboiras

 
O Burgo estrea rúa e diversos espazos públicos. En pleno centro do núcleo urbano atópase a rúa Moncho Reboiras. Parte da AC-211, a poucos metros do Edificio de Servizos Múltiples en dirección á avenida de Ribados.

Até agora tratábase dunha rúa sen saída, quedando sen enlazar coa devandita avenida dado que non se emprendeu unha acción urbanizadora nese tramo. Agora, a empresa que desenvolveu urbanisticamente a contorna completou os traballos e a rúa Moncho Reboiras xa está completa, descubrindo unha nova zona eminentemente residencial e con espazos públicos, en pleno centro do Burgo.

O Concello de Culleredo marcou unha serie de condicionantes á empresa para o desenvolvemento. Isto incluía a creación de zonas de esparcemento. Así, na contorna atópase un novo parque infantil e unha praza dotada con numerosos bancos, papeleiras e mobiliario urbano para uso e goce dos veciños.

A apertura de Moncho Reboiras propiciou a urbanización de dúas rúas transversais que a unen con Visitación da Encina, por unha banda, e con Fernando Pérez de Traba pola outra. O alcalde de Culleredo, Julio Sacristán, indica que desta forma mellórase substancialmente a mobilidade para os residentes na zona, dado que poden comunicarse coa AC-211 sen necesidade de ter que desembocar na avenida de Ribados.

Nestas rúas transversais, o Concello procedeu ao pintado de pasos de peóns e a labores de acondicionamento  nas beirarrúas.

O sentido de circulación de Moncho Reboiras, antes dobre ao ser unha vía sen saída, cámbiase e establécese en dirección subida desde a AC-211. Isto permite a creación de moitas prazas de aparcadoiro. O Concello estima que entre Moncho Reboiras e as súas rúas transversais o número de estacionamentos rolda o centenar.

Sacristán destaca que con esta dotación de aparcadoiro continúase contribuíndo a que os veciños e clientes das zonas comerciais dispoñan de numerosos espazos establecidos para deixar os seus vehículos. En concreto, apunta, esta nova rúa sitúase xunto ao tramo da AC-211 onde no seu día retiráronse varias prazas por parte da Xunta para mellorar a seguridade da estrada.

O alcalde móstrase moi satisfeito co resultado da actuación, que xerou unha zona "moi tranquila e apracible" para vivir, con espazos para os veciños de todas as idades e nun punto moi céntrico do Burgo, a escasos metros dos principais lugares de equipamentos, servizos e negocios da localidade.
 
rúa transversal a moncho reboiras

Sede electrónica

Acceda a la información de los procedimientos del catálogo municipal, a la descarga de solicitudes, al registro electrónico...

Acceder a los servicios

 

Teléfonos de interés

  • Ayuntamiento981.677.777
  • A Escada981.664.452
  • C.F.Pablo Picasso981.664.204
  • Centro de información a las mujeres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociales de O Burgo981.654.570
  • Servizos sociales de Vilaboa981.660.079
  • Villa Melania981.650.077

Sí­guenos en Twitter

Envíanos tus dudas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina