Sanidade

Culleredo convértese en “Localidade Solidaria co Alzheimer” tras o apoio unánime do pleno

O Concello de Culleredo sumarase á iniciativa “Localidades Solidarias co Alzheimer”. O documento, defendido pola primeira tenente de alcalde e proposto pola Federación de Asociacións Galegas de Familiares de Enfermos de Alzheimer (AFAL), obtivo o respaldo unánime do pleno municipal celebrado o pasado 31 de xaneiro.

O Concello promove coa asociación AEAL seminarios online de formación en cancro

Con motivo do Día Mundial do Cancro, o vindeiro día 4 de febreiro, a Concellaría de Sanidade, no marco do convenio que o Concello de Culleredo ten coa Asociación Española de afectados por linfoma, mieloma e leucemia (AEAL), invita aos cidadáns a participar na actividade "Formación en cáncer 2.0".

O Concello promociona a alimentación saudable no IES Blanco Amor

O Concello de Culleredo desenvolverá obradoiros de promoción da alimentación saudable entre o alumnado de 1º  e 2º de ESO do IES Blanco Amor. Ten como obxecto o fomento dunha alimentación sá entre a poboación xuvenil. As actividades realizaranse entre o 14 e o 23 de xaneiro para 1º  da ESO, e entre o 20 e o 28 de febreiro para os de 2º. Da iniciativa beneficiaranse 375 alumnos.

O Concello inicia un servizo de apoio ás persoas con depresión

A Concellaría de Sanidade  inicia o 14 de xaneiro un grupo de apoio dirixido a persoas con depresión. Esta iniciativa ten como finalidade a mellora da súa calidade de vida. A actividade terá lugar os segundos e cuartos luns de mes, en horario de 17:30 a 19:00 horas, e desenvolverase no Centro Municipal de Servizos Sociais do Burgo. As persoas interesadas poden chamar ao teléfono 981.654570.

ANHIDACORUÑA celebra en Culleredo o seu I Festival de Nadal cun tinte solidario

A Asociación ANHIDACORUÑA de persoas con TDAH, en colaboración coa Concellaría de Sanidade do Concello de Culleredo, celebrará o vindeiro día 15 de decembro, ás 12.00 horas, e no Conservatorio profesional de música de Culleredo, o seu I Festival de Nadal. A actividade, un festival de variedades, será  desenvolvida polos propios alumnos e alumnas e pais e nais da asociación. Eles serán os artistas con panxoliñas, bailes e actuacións de humor. Contarase tamén coa colaboración de profesorado e alumnado do propio Conservatorio.

Presentación do documental "Mis ahorros, su botín" en O Burgo

O punto municipal de información ao consumidor de Culleredo colaborará  coa Asociación de usuarios de bancos, caixas e seguros (Adicae), na presentación do seu documental “Mis ahorros, su botín”. A presentación da cinta terá lugar na Sala de audiovisuais do Edificio de Servizos Múltiples do Burgo, o día 29 de novembro, ás 19:30 horas. A entrada é gratuíta.

Vilaboa acollerá un obradoiro de técnicas para persoas dependentes

O Concello de Culleredo organiza un obradoiro de técnicas para persoas dependentes e para os seus familiares. Terá lugar o 30 de novembro no Pazo de Vila Melania en horario de 9:30 a 13:30 horas. Para participar é necesaria a inscrición previa no departamento municipal de Sanidade, no teléfono 981.654570.

Culleredo acolle unha xornada sobre a síndrome X Fráxil

O día 24 de novembro, en horario de 17:00 a 20:00 horas, no salón de actos do Conservatorio, desenvolverase a xornada formativa: “A integración sensorial no Síndrome X-Fráxil”.  A xornada está organizada pola Asociación galega da síndrome X-fráxil (Agaxfra), asociación que naceu no Concello de Culleredo, e contará coa colaboración do departamento municipal de Sanidade.

Culleredo emprende un plan conxunto con Adafad para previr as adiccións en adolescentes

O Concello de Culleredo inicia un programa conxunto coa  “Asociación de ayuda a familias de drogodependientes” (Adafad) para loitar contra as adiccións nos menores e adolescentes da casa. Un ciclo de charlas servirá para a prevención destas condutas nos diferentes ámbitos de actuación. Estas charlas terán carácter aberto e gratuíto.

Culleredo e asociación Alma desenvolven grupos de apoio á lactancia e crianza

O Concello de Culleredo informa de que a asociación cullerdense Alma, coa que colabora en materia de sanidade, cambia a ubicación dos servizos ao novo Centro social de Fonteculler, situado na praza de Castelao. Alma ofrecerá alí grupos de apoio de lactancia e grupos de apoio á crianza, que constitúen un novo espazo de encontro das familias no que poder compartir dúbidas, experiencias e inquietudes.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina