O alcalde de Culleredo, Julio Sacristán, mantivo unha reunión coa directora xeral de Transportes para analizar diversos aspectos do convenio e do funcionamiento do plan de transportes metropolitano. No encontro, o primeiro edil trasladou á Xunta a intención do goberno local de prorrogar o convenio vixente ata que non estea constituído o Consorcio de Transportes. Igualmente, Sacristán solicitou unha serie de modificacións en canto a horarios e liñas dos servizos incluídos no mencionado plan.
Sacristán explicou que estas modificacións quedarán plasmadas nos próximos días unha vez que foran estudadas coa empresa que realiza o servizo, neste caso, Cal Pita-Asicasa. Entre as modificacións, o alcalde destacou os cambios que pretende levar a cabo na liña de Sueiro co fin de dar servizo aos núcleos de Cillobre e Sésamo.
Na mesma reunión, Sacristán trasladou á directora xeral o interese do seu Concello para que os autobuses da Compañía de Tranvías da Coruña amplíe o servizo na Zapateira, cubrindo máis urbanizacións pertencentes aos municipios de Culleredo e Arteixo. O alcalde adelantou que estes dous municipios manterán unha reunión co Concello da Coruña para analizar esta proposta col fin de preparar un acordo que se levaría á próxima reunión da Comisión de Seguimento o plan de transportes metropolitano do que forman parte estes tres municipios.
A directora xeral explicou ao alcalde que o seu departamento continuará a señalización, tal e como pediu o Concello, do servizo de transportes a través da instalación de mastros con paradas e horarios dos servizos e a colocación de marquesiñas. Sobre este último mobiliario, a Xunta pretende chegar a un acordo coa Deputación provincial para a instalación de novo equipamento.
A directora xeral tamén trasladou ao alcalde que a vontade da Xunta é tamén a de ir á creación dun Consorcio de Transportes sendo consciente, como tamén manifestou publicamente o propio alcalde, de que o proceso será longo.