O Concello de Culleredo fixo entrega dos premios do Entroido Choqueiro telemático

O Concello de Culleredo fixo entrega hoxe dos premios aos gañadores do seu Entroido Choqueiro, o concurso telemático de disfraces organizado este ano ante o contexto sanitario. O acto tivo lugar no Edificio de Servizos Múltiples do Burgo. 

A concelleira de Cultura, Penélope López, foi a encargada da entrega dos premios. Creáronse dúas categorías: menores de 18 anos e adultos. Os gañadores de cada unha delas foron decididos polos votos emitidos polos propios usuarios e usuarias das redes sociais municipais. 

Os premios foron 'tablets' para os primeiros de cada categoría. As persoas que quedaron en segundo e terceiro lugar levaron libros, no caso dos adultos, e material didáctico para a rapazada. 

Na categoría de menores de dezaoito, os pequenos Antía e Mateo levaron o premio polo seu disfrace 'Mellis Mouse', caracterizados de Minnie e Mickey. A súa nai, Iria Castro, explica que os disfraces foron realizados a man. 

En segundo lugar quedou 'Antón o cazador', presentada por Rubén Boedo, e o 'Pequespartano', de Jéssica García. 

Na categoría de adultos venceu Lorena Regueira coa súa familia caracterizada de 'Carrapuchiña vermella confinada na casa'. A premiada conta que todos os disfraces foron elaborados con distintas pezas dispoñibles por casa, seguindo o espírito choqueiro. 

En segundo lugar quedou a 'Enfermeira chiflada', de Silvia Torrejón e en terceiro lugar 'Fama, bailando con Pipo', de Rocío Moares. 

A concelleira agradeceu a participación e o entusiasmo de todas as persoas participantes. "Quixemos manter viva unha tradición con moito arraigo en Culleredo", sinalou. 


 

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina