A rede de Bibliotecas Públicas Municipais do Concello de Culleredo ofrécenlle aos máis cativos e cativas unha serie de actividades relacionadas co Nadal baixo o título 'O teu Nadal en Culleredo'.

Nestas actividades, os máis pequenos e pequenas da casa atoparán diferentes retos e xogos que inclúen sopas de letras, encrucillados e mini-relatos sobre figuras desta época do ano, coma o Apalpador, Papá Noel ou os Reis Magos.

Nas redes sociais do Concello de Culleredo (en Facebook e Twitter) iremos publicando ao longo deste Nadal algunhas destas actividades de xeito individual. O día 5 de xaneiro será o turno das solucións.

Podes acceder no documento adxunto a todo o contido.