Convocatoria selección técnico/a turismo (persoal laboral temporal)

Convócase proceso selectivo, polo sistema de concurso-oposición, de técnico/a turismo.

A presente convocatoria rexerase pola bases aprobadas pola Xunta de Goberno local en sesión do 8 de xuño de 2020 e que se publican nesta páxina web como documento anexo.

O prazo para a presentación das solicitudes será de cinco días hábiles, desde o seguinte ao da publicación do anuncio de convocatoria no Boletín Oficial da Provincia.

Prazo presentación solicitudes. No BOP do 01 de xullo de 2020 (núm. 98), publicouse o anuncio desta convocatoria. O prazo para a presentación de solicitudes será dende o 02 ata o 08 de xullo de 2020, ambos inclusive.

Lista provisional de admitidos e excluídos. Rematado o prazo de presentación de instancias, apróbase a lista provisional de admitidos e excluídos. Concédese un prazo de 3 días hábiles, contados dende o día seguinte ao da publicación do anuncio das listas provisionais no taboleiro de anuncios e na páxina web do concello (21, 22 e 23 de xullo de 2020) co fin de emendar o defecto que motivou a non admisión.

(Documento adxunto: Lista provisional de admitidos e excluídos.pdf)

Lista definitiva de admitidos e excluídos. Rematado o prazo de reclamacións, aprobouse a lista definitiva de admitidos/as e excluídos/as.

(Documento adxunto: Lista definitiva de admitidos e excluídos.pdf)

Convocatoria fase de oposición. Convócase aos aspirantes á realización da fase de oposición do proceso selectivo (defensa da memoria presentada xunto coa solicitude) segundo o disposto no documento “Convocatoria fase oposición.pdf”

Cualificación do proceso selectivo. De acordo co establecido no punto 6 das bases desta convocatoria, publícase o resultado do concurso-oposición. Recóllese no documento “Cualificación proceso selectivo.pdf”

O candidato seleccionado, para poder ser contratado, terá que presentar no Concello de Culleredo, dentro dos tres días hábiles a partir desta publicación (5, 6 e 7 de agosto de 2020) a documentación requirida na base 7 da convocatoria.