Tras o éxito de edicións anteriores volve "Batutas e Bastóns" que na súa sexta edición contará coa presenza do Director de Orquestra Josep Pons, Director da Orquestra do Gran Teatro Liceo de Barcelona e de Roberto Tojeiro, presidente de Gadisa, os cales se subirán ao auditorio Gustav  Mahler do Conservatorio Profesional de Música de Culleredo o mércores 29 de xaneiro ás 19:00 horas, onde o Director do Conservatorio e presentador do evento Marcos Seoane tentará amosar o lado mais humano e próximo de ambos nunha entrevista persoal nun acto repleto de humor e música.

Avalado polo seu paso por edicións anteriores de figuras da dirección como os mestres Victor Pablo Pérez, Jesús López Cobos, Dima Slobodeniouk, Alberto Zedda ou Paul Daniel, o ex alcalde da Coruña Javier Losada de Aspiazu ou os xerentes da Sinfónica de Galicia e Real Filharmonía de Galicia Andrés Lacasa e Sabela García, 'Batutas e Bastóns' xa vén de ser un exemplo claro de que o mito de director de orquestra, o de xerente ou presidente dunha gran empresa inaccesibles, pasou á historia, acercando ao gran público cun formato dinámico, humorístico e por suposto musical, preguntas 'online' de convidados sorpresas facendo de 'Batutas e Bastóns' algo diferente e sorprendente.