A Biblioteca de Vilaboa xa está lista para albergar as actividades municipais, tras o peche temporal do espazo de Servizos Múltiples, no Burgo.

Leste mesmo venres celebrarase no edificio de Vila  Melania o evento de “Lobo Bobo”, que conducirá a compañía Elefante Elegante a partir das 18:30 horas.

Tal que así, en outubro celebraranse contacontos, os clubs de lectura ou celebracións relacionadas co “Samaín”. O horario de apertura, para todas as persoas que desexen utilizar o espazo, é de luns a venres, de 11:00 a 14:00 pola mañá, e de 16:00 a 20:00 horas pola tarde.

Ao fío das obras na Biblioteca Municipal Miguel González Garcés, o  Concello está a realizar melloras para a creación dun espazo máis diáfano, con divisións en cristal que proporcionará unha maior entrada de luz. Haberá zonas para o estudo, a consulta e unha sala específica para lectura. A sala infantil manterase, para fomentar a lectura entre os máis pequenos, e preparada para os contacontos e talleres.