O Olímpico de  Rutis engrosou as súas vitrinas tras a disputa do Torneo de Fútbol  Concello de Culleredo durante o pasado mes de agosto. O conxunto cullerdense fíxose coa vitoria no  XXII Trofeo de Fútbol de Veteranos, tras derrotar por 2-0 ao Sporting Burgo na final, así como no  XLII Trofeo de Fútbol  Afeccionado, despois dun  apretadísimo encontro fronte á  UDJ Almeiras, con resultado final de 4-3.

Todas as finais disputáronse o sábado 31 de agosto, desde as 11:00 da mañá, na que os protagonistas foron os nenos do fútbol basee, e posteriormente veteranos e afeccionados. No VI Torneo de Fútbol Basee, o conxunto do Portazgo  S.D. proclamouse campión tras vencer por un axustado 1-0 aos nenos do Olímpico de  Rutis, impedindo así a tripla coroa destes.

Nesta edición, participaron os equipos do Portazgo  S.D., Sporting Burgo, Olímpico de  Rutis,  UDJ Almeiras,  Fontemaior, e  AD Culleredo.

Parabenizar un ano máis a todos os xogadores, que disputaron con honra e deportividade todos e cada un dos encontros, así como a todas as persoas que fan posible que este torneo leve a cabo ano tras ano: Protección Civil, corpo técnico dos equipos, familias, colexiados e demais membros da organización.