Desde o Servizo de Dinamización, Formación e Emprego da Concellaría de Desenvolvemento Socioeconómico, Turismo e Festas do Concello de Culleredo vanse levar a cabo accións de formación co obxecto de servir de apoio na preparación das competencias clave para acceder aos certificados de profesionalidade de nivel 2 de cualificación profesional para o emprego. 

Ditos cursos/as están dirixidos aos veciños/as do Concello de Culleredo, preferentemente en situación de desemprego e inscritos/as no Servizo Público de Emprego de Galicia.

Para acceder á formación dos certificados de profesionalidade de nivel 2 débese posuír unha formación básica necesaria, e para isto é preciso acreditar que se posúen certas titulacións, certificacións ou acreditacións. Cando o/a aspirante non posúe os requisitos académicos necesarios, que é a situación na que se atopan unha grande cantidade de veciños/as de Culleredo en situación de desemprego e demandantes de formación e emprego,existe outra vía de acceso que consiste na superación das probas de competencias clave que organiza a administración.

Estas accións formativas realizadas en anos anteriores, cunha grande acollida por parte dos veciños/as de Culleredo,  permitiron que a maioría dos/as participantes superasen as probas e desta forma poidesen acceder aos cursos vinculados aos certificados de profesionalidade de nivel 2.

Nº DE CURSOS: 2

REQUISITOS DE ACCESO: Non ter formación regrada igual ou superior á ESO, 2º B.U.P., F.P I ou equivalente.

DURACIÓN DE CADA CURSO: 40 horas.

PRAZAS OFERTADAS: Cada curso conta con 20 prazas. O curso que non cubra como mínimo o 75% das prazas poderá ser cancelado.

ASIGNACIÓN DE PRAZAS: No caso de que o número de solicitantes supere ao de prazas, realizarase un sorteo público o 8 de abril de 2019 as 10:00 horas no Centro Municipal de Formación e Emprego " Pablo  Picasso" do Concello de Culleredo. O resultado do sorteo publicarase no taboleiro de anuncios deste mesmo Centro  o 12 de ABRIL de 2019.

INFORMACIÓN:

Centro Municipal de Formación e Emprego " Pablo Picasso" do Concello de Culleredo.

R/ Antonio Machado, s/n. O Burgo – Culleredo.

Tfno.: 981664204

LUGAR DE PRESENTACIÓN DAS SOLICITUDES

Rexistro Municipal

• Edificio de Servizos Múltiples, R/ Ramón Cabanillas, nº 14. O Burgo - Culleredo
• Casa do Concello. Rúa do Concello, nº12, Tarrío – Culleredo.

PRAZO DE SOLICITUDE:

Do 18 ao 22 de marzo de 2019.

De 9:00 a 14:00 horas.

Procedemento.