Culleredo accederá a catro prazas do fogar infantil Emilio Romay tras o convenio coa Deputación

O Concello de Culleredo e a Deputación Provincial da Coruña veñen de firmar dous convenios para propiciar importantes prestacións sociais aos veciños do municipio cullerdense. O alcalde, José Ramón Rioboo, deu conta dos textos no último pleno ordinario do pasado xoves, 31 de xaneiro. 

O primeiro convenio permitirá un servizo destinado ás familias en situación de vulnerabilidade. Trátase de catro prazas no fogar infantil Emilio Romay, da Coruña, dependente da Deputación.

O obxectivo é ofrecer unha alternativa, durante o día, para a atención de menores de 0 a 12 anos de familias que acrediten a necesidade de conciliación. Por elo, será o departamento de Servizos Sociais de Culleredo o que, en base ao traballo e seguimento que realizan os usuarios, xestionen a concesión destas prazas. 

O segundo convenio propicia o mantemento da vivenda tuteladam, un recurso municipal dirixido ás vítimas de violencia de xénero. O acordo supón a contribución da Deputación Provincial da Coruña no financiamento do mantemento da vivenda. Concretamente, a institución provincial aportará a contía de 33.111, 39 euros por anualidade en 2017 e 2018, o que suma un total de 66.222,78 euros.

Reservaranse tres prazas na vivenda para o programa provincial de apoio á acollida de mulleres vítimas de violencia de xénero. A vivenda tutelada supón un recurso de gran valía para a transición entre os fogares de acollida e a normalización da situación persoal ou familiar das vítimas.

Os convenios foron suscritos polo alcalde e o presidente da Deputación, Valentín González Formoso. 

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina