José Ramón Rioboo, elixido alcalde de Culleredo

O Concello de Culleredo celebrou onte un pleno extraordinario no que se elixiu alcalde a José Ramón Rioboo Castro, candidato do PSdeG-PSOE tras a recente renuncia de Julio Sacristán. Previamente, levouse a cabo a toma de posesión de Penélope López como concelleira polo Grupo Socialista, outra das consecuencias da marcha de Sacristán.
 
Constituída a pertinente mesa de idade, procedeuse á presentación de candidaturas. José Ramón Rioboo sumou os nove votos do PSdeG-PSOE. Alicia Ferreiro, de Alternativa dos Veciños, concorreu obtendo o apoio dos tres concelleiros do seu grupo. O resto da corporación abstívose, proclamándose así o socialista novo alcalde do Concello de Culleredo.
 
O salón de plenos rexistrou un cheo congregándose numeroso público entre o que estaba o alcalde saínte, Julio Sacristán. 
 
No seu discurso, Rioboo tivo palabras de agradecemento para o seu predecesor, ao que definiu como "un traballador incansable artífice dos principais avances sociais do municipio". Tamén amosou o seu "orgullo e sentimento de compromiso" por ser alcalde do seu pobo e afirmou que pensa en Culleredo "as 24 horas do día".
 
Ao final do acto e aínda co bastón de mando na man, o novo rexedor municipal recibiu as felicitacións de concelleiras e veciños.

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina