Culleredo abre o novo aparcadoiro xunto ao centro de saúde de O Portádego

Os veciños de O Portádego e os usuarios do novo centro de saúde dispoñen desde esta semana dun novo aparcadoiro para vehículos. O Concello de Culleredo acaba de abrir o espazo tras a execución das obras, emprendidas ao non incluír estacionamentos o proxecto levado a cabo pola Xunta.
 
O Concello destinou 107.000,88 euros á actuación. Foi programada para dar servizo tanto á instalación sanitaria como aos veciños da zona, que viron incrementada a carga de tráfico.
 
O espazo consiste nun aparcadoiro en superficie, cunhas 70 prazas de estacionamento. Delas, tres están reservadas para urxencias, pegadas ao centro de saúde, e dúas para persoas con mobilidade reducida. Tamén hai espazo de aparcadoiro para motos e para bicicletas.
 
O deseño do aparcadoiro pretende a súa integración coa contorna, e a súa superficie é de céspede armado. Conta con beirarrúa para garantir a mobilidade e plantáronse árbores de folla perenne para crear zonas con sombra.
 
O parking situouse no antigo campo de fútbol 7 que estaba pegado ao centro de saúde, practicamente en desuso ao non ser empregado por ningún club deportivo. Con todo, o Concello creará un novo parque multideporte próximo, na contorna da lagoa de Fonteculler.
 
O investimento procede do superávit logrado polo Concello, que se puido dedicar a investimentos financeiramente sustentables como esta. 
 

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina