Eleccións a delegados parroquiais do Club +65

A participación cidadá está instaurada desde hai tempo no colectivo de maiores do Concello de Culleredo. Cada parroquia conta cos seus delegados, que exercen de representantes, transmiten ao goberno municipal as súas necesidades e propostas, e colaboran na organización das actividades.
 
Agora toca renovación dos delegados e o Concello apostou por un proceso electoral aberto a todos os socios do chamado club +65. A semana pasada inscribíronse os interesados en converterse en delegados: un total de 21 veciños dos 14 núcleos nos que se estrutura esta forma de participación.
 
Esta semana as listas dos candidatos están expostas nos centros sociais (ver arquivo a continuación). O seguinte paso serán as votacións, que terán lugar do 12 ao 15 de decembro segundo o horario publicado.
 
As parroquias e núcleos que contarán con delegados son O Burgo, Vilaboa, Fonteculler, Almeiras, Culleredo, Veiga, Celas, Castelo, Sésamo, Sueiro, Orro, Bregua e Boedo. 
 
Tan só non se rexistraron solicitudes na parroquia de Ledoño. Agora os técnicos municipais tratarán de suplilo a través do voluntariado municipal, para seguir mantendo, aínda sen contar con delegado, o contacto coa parroquia.
 
A concelleira de Benestar Social, Lupe Pombo, constata a partir do traballo realizado que "os maiores de Culleredo teñen moitas ganas de participar e de achegar ideas para os seus programas". Pombo apunta que o equipo de goberno e o persoal municipal está "encantado" de contar con veciños implicados "porque é a garantía de éxito das nosas actuacións".
Vista previaAdxuntoTamaño
candidatos_e_calendario_eleccions_club65.pdf318.66 KB

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Canle Culleredo

Emisión en directo de plenos municipais e material audiovisual municipal.

Acceda a canle

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina