Os escolares descubren o funcionamento da Policía Local

A Policía Local de Culleredo abriu as súas portas aos escolares do municipio. Alumnos de 6º de Educación Primaria dos colexios do municipio visitan a sede da Policía Local, en Fonteculler, para descubrir como traballan os axentes.
 
Trátase dunha actividade enmarcada no programa de educación para a seguridade viaria e cidadá que desenvolve a Concellaría de Educación en colaboración coa Concellaría de Seguridade Cidadá. Un total de 128 pequenos dos colexios de Vilaboa, O Burgo e A Ponte Pasaxe participan nas visitas esta semana.
 
Hoxe pola mañá tocou a quenda dos alumnos do CEIP Sofía Casanova que coñeceron as instalacións da sede, o equipamento da Policía Local e o seu parque móbil, que como sempre espertou gran expectación entre os pequenos. 
 
O primeiro tenente de alcalde, José Ramón Rioboo, e a edila de Educación, Carmen Varela, acompañaron ao xefe da Policía Local, Ricardo Dovigo, nas súas explicacións didácticas aos alumnos. Os escolares probaron o alcoholímetro dos axentes, comprobando o resultado negativo.
 
Causou moito interese o funcionamento do sonómetro, que como sinalou o xefe da Policía emprégase para asegurar o cumprimento da normativa de ruídos. Os pequenos gritaron ata alcanzar os 134 decibeis, comprendendo as molestias que poden xerar.
 
Os alumnos aprenderon tamén como é o procedemento de intervención e como se organiza o corpo de seguridade ante unha incidencia. A actividade municipal pretende achegar aos escolares as forzas de seguridade para comprendan como é o seu funcionamento.

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina