O Concello de Culleredo comeza hoxe luns o seu plan de acondicionamento da rede viaria mediante a roza das estradas municipais de todas as parroquias. Trátase dunha campaña anual que se emprende habitualmente nesta época do ano, cando a herba creceu.

Os traballos levarán a cabo en 367 estradas e camiños do municipio. Comezarán polas zonas con maior necesidade para ir completándose nas próximas semanas.

Serán varias as máquinas que traballarán no territorio cullerdense. Nos casos que non chegue o brazo do tractor terá que levar a cabo de forma manual.

O goberno municipal explica que este plan é unha medida para a prevención de incendios forestais. Ademais, permite un incremento da seguridade viaria ao eliminar posibles obstáculos para peóns.

O Concello confía así mesmo en que as administracións estatal, autonómica e provincial, con responsabilidade en vías en Culleredo, fagan o propio nas estradas da súa competencia.

Inmediatamente despois á limpeza de vías, o Concello fará o propio coas parcelas de titularidade municipal. Ademais lémbrase aos propietarios de leira a súa obrigación de mantelas en estado adecuado de limpeza para evitar incendios forestais.