Culleredo acorda coa Xunta e os Concellos de Ferrol, Lugo, Vigo e Ourense un servizo conxunto de asistencia a vítimas de violencia de xénero

O municipios de Galicia que contan cunha instalación de asistencia ás vítimas de violencia de xénero, entre os que se atopa o Concello de Culleredo, referendaron hoxe un acordo coa Xunta de Galicia para establecer unha coordinación que mellore o servizo de atención á cidadanía. O convenio foi asinado en Santiago pola secretaria xeral de Igualdade, Susana López Abella, coas concelleiras responsables da área de Culleredo (Lupe Pombo), Ferrol, Lugo, Vigo e Ourense.
 
Estes Concellos forman parte da Rede Galega de Acollemento para as mulleres que sofren violencia de xénero. Para fomentar a organización, o Centro de Recuperación Integral da Xunta actuará como centro coordinador e créase un procedemento para o primeiro acceso ás mulleres vítimas de violencia de xénero.
 
Neste sentido, co acordo alcanzado, poderanse derivar as usuarias da rede entre os distintos centros segundo as súas necesidades e asegúrase unha homoxeneización da documentación necesaria para o acceso.
 
Poderán acceder á rede todas as mulleres que sufran violencia de xénero así como os seus fillos e fillas menores e persoas delas dependentes, que precisen dun aloxamento de seguridade por esta situación. O Concello de Culleredo conta cunha vivenda tutelada. En Ferrol, Lugo e Ourense hai casas de acollida, do mesmo xeito que na Coruña, e en Vigo un centro de emerxencia.
 
A concelleira de Benestar Social e Igualdade de Culleredo, Lupe Pombo, considera que esta coordinación acordada supón "un paso máis" para ofrecer un servizo de mellores prestacións a unhas usuarias que "necesitan a intervención e apoio urxente" da administración.
 
Haberá dous tipos de acceso á Rede Galega de Acollemento: o ordinario e o urxente. Neste último caso, ao detectar un caso no que a seguridade da muller se vexa gravemente ameazada realizaranse cantas xestións oportunas sexan precisas para aloxala, xunto cos seus acompañantes, nun prazo máximo de 8 horas.
 
O Concello participa nesta rede para lograr un maior aproveitamento dos recursos públicos dispoñibles en Galicia para esta casuística e proporcionar unha actuación eficaz.

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina