Completada a reorganización do aparcadoiro do Souto

O Concello de Culleredo acaba de finalizar os traballos de reorganización do aparcadoiro do Souto, emprazado na contorna máis antiga de Vilaboa. Dá servizo a esta zona de casas baixas e pazos, como o de Vila Melania, hoxe convertido nun equipamento social municipal con salas de actividades, oficinas e un gran parque con elementos biosaludables ou os hortos urbanos. Tamén é empregado por veciños das inmediacións e usuarios de establecementos comerciais e de hostalaría.

No aparcadoiro detectáronse problemas coas xardineiras que foron levantando lastros e causando obstáculos para o normal uso do espazo de estacionamento. E por iso a petición dos usuarios levou a cabo esta actuación iniciada a finais do mes de xullo.

A actuación consistiu nunha modificación das xardineiras para facilitar o aparcadoiro adecuado, ademais con varias prazas reservadas para persoas con mobilidade reducida.

Tamén se moveron os farois nesta reorganización. Con esta modificación varíase a posición das prazas, o que permitirá que se incrementen un pouco en número.

O primeiro tenente de alcalde e responsable de Obras e Servizos, José Ramón Rioboo, apunta que a actuación era demandada por veciños da zona, usuarios habituais do aparcadoiro, que advertiron da necesidade de melloralo.
 

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina