No seu traballo de apoio á educación, o Concello de Culleredo lanza un programa formativo para os adultos, especialmente os mozos, que abandonaron os estudos sen finalizar secundaria. Trátase do programa SuperaT, que terá lugar durante o verán.

O obxectivo é preparar aos mozos para que poidan superar as probas libres de obtención do título de ESO. Para iso, o Concello organiza clases nas que traballar as distintas materias que comporán o exame.

Así abarcará os ámbitos de estudo científico-tecnolóxico, social, e de comunicación. Ademais das clases de apoio, os mozos tamén recibirán orientación das posibles saídas laborais ou formativas ás que poderán acceder tras obter a ESO.

As probas están fixadas para o 9 de setembro e por iso o Concello fixa estas clases para o verán. Levaranse a cabo en Vilaboa, no pazo de Vila Melania, os martes e xoves en horario de 10.00 a 12.00.

O prazo para inscribirse nesta iniciativa comeza hoxe luns 15 de xuño. Os interesados poden dirixirse ao departamento municipal de Educación, sito en Vila Melania. Máis información en 981 661 208 ou en educación@culleredo.org.