Este fin de semana Culleredo albergará unha xornada de deporte solidario para colaborar na loita contra o cancro. Ás 18.00 horas do sábado, celebrarase no pavillón do colexio Ría do Burgo unha masterclass de Zumba a cargo da monitora Berta Paz á que poderán asistir persoas de todas as idades.
O donativo para participar na actividade será de 3 euros para os adultos e de 1,5 no caso dos nenos. Todo o que se recade irá destinado á Asociación Española contra o Cancro.
Esta actividade, organizada pola Asociación Cultural e Recreativa de Castro e Laxe, conta tamén coa colaboración do propio Concello e de varias empresas entre as que se contan AXA Seguros, McDonald's ou o Instituto Médico Arriaza e Asociados. O programa inclúe, ademais, actividades deseñadas especialmente para os máis pequenos da casa.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER