O Concello de Culleredo homenaxeará ás mulleres deportistas do municipio con motivo da celebración do Día da Muller de 2015. Deportistas e clubes con seccións femininas participarán no acto previsto para o venres ás 19.30 horas.

Será no Conservatorio Municipal de Música. Participarán:

• Fernanda Espiñeira (ciclismo e raids)
• Leny López (fútbol sala)
• Marta Lago (karting)
• Mónica García (tiro con arco)
• Sara García (taewkondo)
• Zaira Vilariño (hípica)
• Club Balonmán Culleredo
• Club Baloncesto Culleredo
• Club Auga Marina de natación sincronizada
• CR Team ACT: Hípica
• Sporting Burgo

Actuarán no evento o dúo de saxofón e piano formado por Natalia Lodeiros e Marina López, e a cantautora Bea a de Estrella.

Os actos polo Día da Muller continuarán o sábado 7 coa tradicional Cea das Asociacións de Mulleres. Será no Pazo de Vilaboa ás 21.30 horas cun prezo de 25 euros.

Son as propias asociacións as que formalizan a inscrición:

• Asociación A Xeca, en Vilaboa (661 910 585)
• Asociación Alancada, en Tarrío (607 180 712)
• Asociación Rosalía de Castro, no Burgo (639 513 466)

A cea contará coa música do dúo Karamba. O prazo de inscrición finaliza o xoves 5 de marzo.

A concelleira de Muller, Penélope López, anima os veciños a participar nos actos que persiguen seguir consolidando o importante e fundamental papel da muller na sociedade.