O Concello de Culleredo conmemora o luns, 15 de setembro, o XI Día Mundial do Linfoma, baixo o slogan "Coñece o linfoma, rompendo mitos", cun programa de actos que desenvolve de forma conxunta coa Asociación Española de linfoma, mieloma e leucemia (AEAL). Desta forma, a Concellaría de Sanidade quere pór o seu gran de area en sensibilizar á poboación acerca desta enfermidade.

Os actos desenvolveranse a tarde do luns. Desde as 16.30 e ata as 18.30 horas procederase á instalación dunha mesa informativa no paseo marítimo do Burgo. O obxectivo consistirá en sensibilizar sobre o cancro.

Ás 19.00 horas, no pazo de Vila Melania de Vilaboa, celebrarase unha mesa redonda sobre o linfoma. Pretende aproximar ao público xeral, non só a afectados, o linfoma e o seu tratamento. Intervirán:

• O doutor Guillermo Debén Ariznavarreta, hematólogo do CHUAC
• O doutor Rubén Vázquez Fernández, hematólogo do CHUAC
• José María Freire, psicólogo colaborador de AEAL na Coruña

A entrada será libre e gratuíta ata completar aforamento.