O Concello de Culleredo informa do procedemento de matrícula para os campamentos urbanos de verán, ante o interese transmitido polos veciños interesados nas actividades. Desde o luns 21 e ata o mércores día 30 de abril, ámbolos dous incluídos, estará aberto o prazo para a solicitude de prazas nos campamentos que cada verán organiza a Concellería de Educación.
Nesta edición, décimo quinta, os campamentos desenvolveranse desde o 23 de xuño ata o 29 de agosto. Nos campamentos poderán participar nenos e nenas de entre 3 e 12 anos que estean cursando actualmente desde 4º de educación infantil ata 6º de educación primaria.
Terán preferencia na adxudicación de prazas as familias empadroadas no concello e que acrediten necesidade de conciliación.
Está previsto que os campamentos se realicen nas instalacións cedidas polos centros escolares Díaz Pardo, Ría do Burgo e Sofía Casanova e nos polideportivos municipais de Vilaboa e do Ría do Burgo.
Como cada ano, o horario de campamento será de 9:00 a 14:00h e ofertarase un servizo complementario de xantar de 14:00 a 15:30h.
Os campamentos son espazos lúdico-didácticos onde se traballan valores de respecto, tolerancia, coeducación, non-violencia, hábitos saudables, a través de actividades como xogos, deportes, confección de disfraces, construción de instrumentos musicais, pintado de murais, creación de esculturas…
A solicitude de praza deberá formalizarse nas oficinas do Servizo municipal de educación, situadas en Vila Melania, 44, Vilaboa, en horario de 9:00 a 14:00h.
Vista previa | Adxunto | Tamaño |
---|---|---|
campamentos_solicitude_prazas.pdf | 344.01 KB |
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER