O Concello crea un novo aparcadoiro para o Xardín Botánico do Burgo

O Xardín Botánico do Burgo aumenta as prestacións aos usuarios. A elevada actividade cultural e educativa que acolle a instalación, que alberga ademais a aula de Natureza "Juan Lembeye", levou ao goberno de Culleredo a tomar a decisión de crear un aparcadoiro específico para a dependencia.

Ata agora, os veciños que acudían ao Xardín Botánico contaban cun pequeno aparcadoiro en liña diante da entrada, xunto á parada de autobús. Era necesario deixar o coche na urbanización da Cros para contar con máis sitios.

Dado que son moitos os veciños que acoden a diario a esta instalación, para facilitar o acceso, e paliar unha das necesidades detectadas polos servizos municipais, o Concello de Culleredo crea xunto á instalación un espazo para o aparcadoiro que poderá acoller uns 30 vehículos.

As obras xa finalizaron practicamente e o espazo está xa dispoñible para a súa utilización inminente. O Concello destinou un investimento de 40.000 euros a esta ampliación.

O goberno municipal entende que se mellorará substancialmente un servizo ao veciño e se cobre unha necesidade, respondendo a unha petición veciñal. O equipo de goberno aposta por reforzar a programación de actos e actividades culturais, así como de educación ambiental, e por iso optou por dedicar esforzo investidor á mellora desta infraestrutura.

O Xardín Botánico é o principal centro de exposicións, albergando practicamente una cada mes, e doutros eventos como concertos (BurgoJazz) ou actividades de corte didáctico aproveitando a aula de Natureza e a riqueza dos propios xardíns. Tamén acolle a actividade de diferentes asociacións do municipio.


Nova exposición esta semana

O Concello de Culleredo clausurou o sábado a exposición que acolleu nas últimas semanas a aula de Natureza. Tratouse da mostra "O espazo máxico. Buxainas e libros para nenos", que ofreceu unha antoloxía de libros da mellor literatura infantil, unha selección de ilustracións realizadas polos mellores ilustradores actuais que recrean e interpretan textos literarios, de todas as épocas, onde aparecen citadas as buxainase unha colección de buxainas de todos os continentes.

O Concello levou á actividade a 1.300 escolares do municipio, que gozaron de talleres de manualidades e de literatura.

Pero a aula de Natureza non cesa na súa continua programación. O vindeiro venres, 15 de novembro, o Concello estrea nova mostra no espazo do Burgo. Ese día inaugurarase a exposición de pintura "A frescura dá transparencia", do artista Juan Carlos Soto.

Poderase visitar ata o 10 de decembro en horario de luns a sábados de 18.00 a 21.00 horas, e os sábados tamén pola mañá en horario de 11.00 a 13.00 horas.

Sede electrónica

Trámites en liña, taboleiro oficial, carpeta cidadá...

 

Canle Culleredo

Emisións en directo e material audiovisual.

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina