Uns 500 quilos de castañas e un milleiro de persoas acudirán o sábado, 26 de outubro, á festa do Magosto Municipal que organiza o Concello de Culleredo. Terá lugar no parque recreativo de Celas de Peiro, a partir das 6 da tarde.
A vertente gastronómica será a principal en Celas. Os asistentes poderán degustar castañas asadas, touciño á brasa, viño novo, acabando coa tradicional queimada. O prezo por persoa será de 2 euros.
Tampouco faltará a música para pasar a tarde. A festa estará amenizada polo Dúo Compás.
A concelleira de Cultura, Alicia Ferreiro, apunta que se trata do magosto máis concorrido da comarca. O goberno local ha buscado a data máis próxima ao comezo de novembro, por antonomasia a propia do magosto, para levar a cabo esta celebración e así manter unha tradición galega "moi arraigada en Culleredo".
A concelleira anima aos veciños de todas as parroquias a achegarse até o parque de Celas para pasa un día en familia e aproveitar para manter un encontro con veciños doutras parroquias.
O Magosto conta coa colaboración da Sociedade Cultural e Deportiva O Cruceiro de Celas.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER