O Concello amplía o aparcamento do Xardín Botánico

O Xardín Botánico do Burgo converteuse nos últimos tempos nos referentes de actividades culturais e ambientais do Concello. É o principal centro de exposicións, albergando practicamente unha cada mes, e doutros eventos como concertos (BurgoJazz) ou actividades de corte didáctico aproveitando a aula de Natureza e a riqueza dos propios xardíns.

Son moitos os veciños que acoden a diario a esta instalación e para facilitar o acceso, e paliar unha das necesidades detectadas polos servizos municipais, o goberno de Culleredo decidiu ampliar o espazo reservado ao estacionamento de vehículos.

O Xardín Botánico consta na actualidade dun aparcadoiro en liña fronte á entrada principal, que podía acoller a unha decena de coches. O Concello, a través da Concellaría de Obras e Servizos que dirixe Narciso Marzoa, deseñou unha ampliación desta zona que triplicará a súa capacidade.

A actuación, incluída no plan DTC-94, creará unhas 20 prazas novas. Para minimizar o impacto na zona, construiranse prolongando o estacionamento actual, en liña coa avenida de Juan Carlos I.

As obras comezaron esta semana e teñen un tempo previsto de execución dun mes. O Concello destinou un investimento de 40.000 euros a esta ampliación.

O goberno municipal entende que se mellorará substancialmente un servizo ao veciño e cóbrese unha necesidade, respondendo a unha petición veciñal. O equipo de goberno aposta por reforzar a programación de actos e actividades culturais, así como de educación ambiental, e por iso optou por dedicar esforzo investidor á mellora desta infraestrutura.

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Canle Culleredo

Emisión en directo de plenos municipais e material audiovisual municipal.

Acceda a canle

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina