O Concello de Culleredo lanza un amplo plan de formación cun obxectivo claro: incrementar a capacitación e así promover a inserción laboral de veciños que se atopen en situación de desemprego. A Concellaría de Formación deseñou un programa que conta con 224 prazas en modalidades elixidas segundo as necesidades do mercado laboral.

O goberno municipal tivo en conta as necesaidades cambiantes dos postos de traballo á hora de configurar a oferta de accións formativas. A concelleira de Formación, Marta Iglesias, apunta e ao mesmo tempo que se procura a mellora da capacitación, “o plan está dirixido a formar na actualización e reciclaxe profesional”.

O plan de formación terá lugar durante os próximos meses no centro municipal de Formación e Emprego “Pablo Picasso”, situado no Burgo, na rúa Antonio Machado. As accións formativas incluídas son as seguintes:

CURSOS

• Manipulador de alimentos.
• Servizos de bar e cafetería: Técnicas básicas de servicio de bebidas e alimentos en barra.
• Manipulación de cargas con carreta elevadora.
• Ferramentas informáticas básicas para a busca de emprego. (2 EDICIÓNS)
• Técnicas de venda e atención ao/á cliente.

OBRADOIROS

• Habilidades para a busca de emprego (2 EDICIÓNS)
• A idea de emprender (2 EDICIÓNS)
• Creación de empresas:  Autoemprego. (2 EDICIÓNS)
• Inglés básico na procura de emprego.

FORMACIÓN EN COMPETENCIAS CLAVE

• Apoio á preparación para as probas de avaliación en competencias clave. ( 2 EDICIÓNS )

O plan está destinado a veciños de Culleredo, preferentemente en situación de desemprego e inscritos no Servizo Público de Emprego de Galicia. A inscrición nas acción realizarase do 3 ao 9 de abril. Para máis información pódese contactar co centro municipal Pablo Picasso no número 981 66 42 04.