O Concello de Culleredo empezou o sábado 9 o seu ciclo de teatro afeccionado. Organizado pola compañía Carfax de Culleredo e a Concellaría de Cultura, a cita reunirá os sábados que restan do mes de marzo, no Edificio de Servizos Múltiples do Burgo, o traballo de varias compañías de teatro afeccionado.

O ciclo comezou coa representación do Teatro Gargallada coa súa obra "Non me chames cariño se non o sintes", unha comedia dirixida a todos os públicos.

O resto do programa é o seguinte:

• 16 de marzo: "Eloxio da loucura", da compañía Atrezo. Drama dirixido a un público adulto.
• 23 de marzo: "Baile de sombras", da compañía Teatro no Aramio. Drama dirixido a un público adulto.
• 30 de marzo: "Quimera", da compañía Gargallada. Comedia para todos os públicos.

A concelleira de Cultura, Alicia Ferreiro, destaca a calidade das representacións que se ofrecerán neste ciclo e anima aos veciños a gozalas, aproveitando a oportunidade de telas en Culleredo.