A Compañía de Teatro "El Ruiseñor", de Culleredo, estrea esta fin de semana a obra "Agamenon", de Esquilo. Será unha adaptación de Susana Crespo e coa interpretación por primeira vez en El Ruiseñor, do grupo PHOENIX, antiguos alumnos do grupo PARROCHA.

As datas das estreas son as seguintes:

• Sábado 2 de Marzo 20:30 horas
• Domingo 3 de Marzo 19:00 horas

A obra representarase no auditorio do Conservatorio Municipal de Música de Culleredo. As entradas, a un prezo de 5 euros, poden adquirirse no Edificio de Servizos Múltiples do Burgo en horario de 15.00 a 21.00 horas.

O Concello de Culleredo anima aos veciños a gozar da labor artística de calidade que leva a cabo El Ruiseñor, unha compañía consolidada no concello e que reúne  nas súas actividades, realizadas no Edificio de Servizos Múltiples, a ducias de veciños de todas as idades.