O Concello de Culleredo organiza no mes de agosto o ciclo de obradoiro de contos denominado "Agosto con Andersen". Ao longo dos mércores do mes, estas actividades infantís recordarán a obra do autor.

Os obradoiros, que terán lugar na Bibioteca Miguel González Garcés, situada no Edificio de Servizos Múltiples do Burgo, celebraranse os mércores 1, 8, 22 e 29 de agosto en horario de 17.00 a 18.00 horas. Están destinados a nenos e nenas a partir dos 4 anos de idade.

Para asistir é necesario formalizar a inscrición de forma previa na propia Biblioteca.

O cadro de contos confórmano: "O traxe novo do emperador", "O patiño feo", "A sireniña", e "A princesa e o chícharo".