Culleredo reduce os orzamentos nun 12,1%, pero incrementa as partidas de Servizos Sociais

O goberno local de Culleredo elaborou unha proposta de orzamentos prudente ante un ano que se presentga moi complicado dada a crise económica mundial. O pleno da corporación celebrado o xoves aprobou o documento.

O alcalde de Culleredo, Julio Sacristán, destaca que se tratan duns orzamentos "realistas", acordes coa situación de crise actual. A pesar das dificultades, o Concello garantirá tanto os compromisos adquiridos co persoal, como o pago da débeda ou o mantemento de todos os servizos básicos para os cidadáns.

O orzamento alcanzará os 20,5 millóns de euros de ingresos e os 20,3 millóns de euros no capítulo de gastos. Por tanto, o documento presenta un superávit inicial de 263.387,51 euros, con arranxo ao acordo de financiamento do remanente de tesouraría derivado da liquidación dos orzamentos de 2010, adoptado polo pleno.

Estes valores dos orzamentos supoñen un descenso de 12,1% con respecto aos de 2011. Este descenso vén marcado especialmente pola caída prevista nas transferencias doutras administracións ao Concello. O goberno local puxo en marcha un plan de contención do gasto que permite a redución nun 16,4% do gasto corrente.

A pesar desta situación, o Concello aposta polos servizos sociais e incrementa a partida, pasando de 1,85 millóns a 1,87 millóns de euros, o que supón que o 9,24% do orzamento lévao o gasto social, sen contar neste epígrafe outras partidas relacionadas con educación ou cultura. Tamén aumenta a consignación á dependencia, que supón un 5,89% do total.

"A pesar dá situación de crise cremos que hai formas de facer as cousas para garantir vos servizos ás persoas que máis ou necesitan", resalta a primeira tenente de alcalde, a nacionalista Raquel Jabares. A concelleira lamenta que a Xunta incumprise a condición de que as subvencións fosen prepagables para os Concellos e desvelou que o plan concertado, que mantén parte dos servizos sociais, non foi cobrado até o pasado 22 de decembro.

Esta necesidade de adiantar o diñeiro por parte do Concello reprodúcese tamén con axudas doutras administracións, como a Deputación ou o Estado, o que xera nas arcas municipais continuas tensións de tesourería.

Os investimentos baixan un 24,1% a causa sobre todo de que en 2011 acometéronse varias obras incluídas nos fondos FEDER que xa non se consignan loxicamente neste exercicio, explica Sacristán. O principal investimento realizarase a cargo do Plan de Obras e Servizos da Deputación, dedicado á renovación de estradas, abastecementos e saneamentos. Tamén se consigna unha primeira anualidade para unha escola-taller que se solicitará á Xunta.

O alcalde anuncia tamén que en xaneiro aprobarase a ordenanza de auga, para aplicar o canon que marcará a Xunta. Ten previsto que se programe por tramos de consumo, de tal forma que ao 75% da poboación baixaralle o recibo, só subindo para os que consomen gran cantidade de auga.
 
o alcalde e a primeira tenente de alcalde

Sede electrónica

Información dos procedementos do catálogo municipal, descarga de solicitudes, rexistro telemático...

Acceda aos servizos

 

Teléfonos de interese

  • Casa do Concello981.677.777
  • A Escada981.664.452
  • C.F.Pablo Picasso981.664.204
  • Centro de información ás mulleres (CIM)981.654.570
  • Centro municipal asociativo981.652.122
  • Conservatorio de Música981.667.798
  • Edificio usos múltiples981.665.597
  • Policia Local981.677.755
  • Protección Civil981.651.879
  • Servizos sociais de O Burgo981.654.570
  • Servizos sociais de Vilaboa981.660.079
  • Villa Melania981.650.077

Séguenos en Twitter

Envíanos as tuas dúbidas

El diseño de esta página web forma parte de las actuaciones de difusión del proyecto DINAMO financiado por el FEDER

Patrocina