Dentro do programa da primavera das letras, compracémonos en presentar o vindeiro mércores 2 de xuño na biblioteca da poesía "Uxío Novoneyra" de Vilamelania _Vilaboa, por primeira vez ao publico do libro de relatos "as pantasmas de auga" de Antón Riveiro Coello, que fai o nº 16 da editorial de artesanais "Bourel" que dirixe Antonio Piñeiro.

Un pracer ter por primeira vez na biblioteca da poesía, que non no concello, ao querido e admirado, Antón Riveiro Coello, un dos grandes da novela galega actual, que tan vinculado estivo e esta, coa actividade cultural de Culleredo, participando dende hai anos en numerosas actividades e por suposto coa escritura da súa famosa novela "As rulas de Bakunin" que se desenvolve por terras de Culleredo e traducida a numerosos idiomas, e que tan amablemente nos adicou.