A Concellaría de Educación e Seguridade Cidadá desenvolven a IX Campaña de Educación Vial nos centros educativos de Culleredo. Do 9 de abril ata o 21 de maio

Actividades nos centros escolares de Culleredo na
"IX Campaña de Educación Vial"
Promove: Concellaría de Educación de Culleredo e
Concellaría de Seguridade Cidadá

Clases teórico-prácticas de educación vial en 6º de primaria nos centros educativos de Culleredo:

O equipo municipal de educación vial da Concellaría de Educación e de Seguridade Cidadá de Culleredo impartirá unhas nocións básicas de comportamentos axeitados nas vías públicas como peóns ou usuarios de transportes, aos alumnos e alumnas de 6º de primaria dos centros escolares de Culleredo. O mesmo día, asistirán a unha clase práctica que se desenvolverá no Parque que a Dirección Xeral de Tráfico instalará no Complexo deportivo de Acea de Ama, segundo o seguinte calendario e horario:

Clases teóricas de Educación Vial en Educación Infantil:
Impartidas polos policías locais de Culleredo, especialistas en educación vial, trasladarase aos alumnos e alumnas nocións básicas adaptadas a estas idades como complemento do traballo que están a desenvolver nas aulas o profesorado co apoio do material didáctico facilitado pola Dirección Xeral de Tráfico. O calendario e horario de desenvolvemento das actividades é o seguinte:

Obra de Teatro da Dirección Xeral de Tráfico: "Un sueño fantástico".

O venres 9 de maio preto de 800 alumnos e alumnas de 2º e 3º ciclo de primaria participarán nunha obra de teatro da Dirección Xeral de Tráfico coa que se pretende que o alumnado acade un correcto comportamento social e de respeto polas normas de tráfico. Representarase no Salón de actos do IES Cruceiro Baleares en dúas sesións: ás 10:30 e ás 12:00 horas. Participarán da actividade os centros: CEIP Tarrío, CEIP Díaz Pardo, CEIP Sofía Casanova, CEIP Ría do Burgo, CPR A Ponte Pasaxe E CPR Rías Altas.