Escolas municipais de Cultura

Impártense cursos de baile galego, ballet e danza, ioga, cerámica, confección industrial, debuxo e pintura, óleo, gaita, percusión, guitarra, informática, inglés, manualidades...
Están divididas en dous grupos: nenos/as e persoas adultas.

Exposicións:

Realízanse na sala de exposicións Xosé Rey Lago, no Museo dos Muíños Andrés Pan Vieiro e na Aula de Natureza Juan Lembeye. Prográmanse anualmente unha media de 30 exposicións...

Ciclo de teatro:

Realízanse unha media de 15 representacións anuais, no edificio de Servizos Múltiples do Burgo.

Actividades musicais e folclóricas:

 Certames de artes plásticas:

Ciclos de cine:

Festas populares:

• Entroido. Prográmanse actividades relacionadas co entroido en colaboración con todos os centros culturais e veciñais do municipio, así como outras propias da Concellaría.
• Letras Galegas. Celébrase un festival nas instalacións do Centro cultural de Vilaboa o 17 de maio.
• Magosto. Celébrase no parque da Torre de Celas, en novembro, en colaboración coa Asociación "O Cruceiro" de Celas.
• Nas festas patronais do verán, colabórase con comisións de festas, organizándoselles algunhas actividades, como as semanas culturais de Vilaboa e do Burgo.

Nadal:

Durante tres días, nas vésperas de Reis, realízase o programa "Culleredolandia de Nadal", na polideportiva de Vilaboa, con múltiples actividades dirixidas á infancia.

Cursos:

• Iniciación e perfeccionamento de galego.
• Micoloxía.
• Coidado de bonsais.
• Outros cursos organizados en colaboración con outras institucións públicas e privadas.

Seminario de Historia de Culleredo:

Realízase a finais de novembro, durante tres días. Colabora a Universidade da Coruña. Fixéronse xa doce edicións.

Visitas guiadas:

Anualmente prográmanse visitas guiadas, que os centros de ensino do municipio ou doutras partes de Galicia solicitan, aos museos de titularidade municipal: Museo Etnográfico Torre de Celas, Museo dos Muíños Andrés Pan Vieiro e Xardín Botánico Ría do Burgo.

Actividades de animación á lectura:

Nas bibliotecas municipais organízanse anualmente:

• Semana do libro
• Ciclo de contacontos.
• Contos en inglés.
• Tertulias.
• Clubs de Lectura.
• Exposicións bibliográficas.

Programa de rutas:

Anualmente realízase o programa excursionista "A Coruña a pé". Consta de 10 rutas por toda a provincia coruñesa.

Feira de artesanía e libro:

Celébrase o 17 de maio, en colaboración co CEIP Isaac Díaz Pardo do Burgo, na praza Europa do Burgo. Participan artesáns/ás e libreiros/as de toda Galicia.

Día da familia:

Esta romaría campestre, de organización municipal, celébrase o segundo domingo de xuño,nas instalacións do parque recreativo de Acea de Ama. Prográmanse numerosas actuacións culturais, lúdicas e deportivas, exposicións municipais e de asociacións do municipio, ademais das de carácter gastronómico. Asisten decenas de miles de persoas de toda a comarca coruñesa. Na véspera celébrase o Festival internacional de maxia "Mago Antón e amigos".

Outras actividades e servizos:

• Conferencias.
• Presentacións de libros.
• Conmemoración da II República.
• Actos conmemorativos da batalla da ponte do Burgo e de Elviña.
• Asesoramento a particulares, estudantes e universitarios sobre historia e patrimonio histórico de Culleredo.

Publicacións:

Publícanse periodicamente folletos turísticos, unidades didácticas sobre as letras galegas, programas de rutas, catálogos e carteis de exposicións, folletos e carteis de programación de música e teatro, folletos de divulgación de monumentos...