Área de alcaldía

• Servizo asesoría xurídica

Área de economía, facenda, réxime interior e seguridade

• Servizo economía e facenda
• Servizo persoal e organización
• Servizo seguridade cidadá e protección civil

Ocúpase esta área, na materia de Economía e Facenda, da xestión económica do Concello, seguimento e control dos orzamentos, xestión económica e financeira da administración, seguimento e control de investimentos, preparación dos orzamentos, xestión de pagamentos e cobramentos, xestión tributaria e de recadación, política fiscal e preparación de ordenanzas fiscais.
No eido do Patrimonio e a Contratación correspóndelle a xestión patrimonial do Concello, inventario de bens, dereitos e obrigas, administración e defensa do patrimonio municipal e adquisición de bens por expropiación forzosa, excepto nos casos das expropiacións urbanísticas.
No eido da Contratación esta área asume a xestión dos procedementos de contratación do Concello.
A esta área correspóndelle, dentro da materia de Réxime Interior, os aspectos relativos á organización do Concello e aos métodos de traballo, a coordinación do funcionamento da administración municipal, a axilización da tramitación de procedementos e a política de información á cidadanía.
Inclúe a área a xestión de persoal -sen prexuízo da xefatura superior de persoal que corresponde ao alcalde, a separación do servizo do funcionariado e o despedimento do persoal laboral-, Policía local e mobilidade.
Correspóndelle tamén o impulso e difusión do uso das tecnoloxías da información e o coñecemento no funcionamento da administración, así como a xestión da seguridade cidadá, control e ordenación do tráfico en vías urbanas, Protección Civil e Policía local.

Área de secretaria xeral

Área de urbanismo

• Servizo arquitectura e urbanismo
• Servizo xestión administrativa urbanística

Esta área comprende a xestión das competencias municipais sobre a ordenación do territorio e o urbanismo, cuestións relativas a plans e instrumentos de ordenación urbanística, xestión urbanística, concesión de licenzas urbanísticas e de actividades, disciplina urbanística, expropiacións por razóns de urbanismo, redacción de instrumentos de ordenación urbanística, concesión de licenzas para o exercicio de actividades, excepto a autorización para a posta en funcionamento e proxectos de vivenda, promoción pública e en aluguer.

Área do medio, servizos e obras

• Servizo medio, servizos e obras

Esta área xestiona os servizos básicos municipais, ciclo da auga, recollida de residuos, limpeza de vías públicas, iluminación pública... Inclúese o mantemento de vías públicas e infraestruturas urbanas (mobiliario urbano, redes de servizos...), a inspección e control de servizos públicos que se prestan a través de terceiros, o mantemento e conservación de parques, xardíns e zonas verdes, así como o mantemento de edificios e instalacións municipais, a xestión da utilización da vía pública e a autorización para a posesión de animais potencialmente perigosos.
No eido do medio correspóndelle a xestión das políticas municipais do medio. Está incluído na área a atribución para ditar a autorización de posta en funcionamento.
Asígnaselle tamén a xestión da política municipal de telecomunicacións.

Área de benestar social e promoción económica

• Servizo benestar social
• Servizo promoción económica

Esta área xestiona as políticas municipais de prestación de servizos asistenciais á cidadanía, de atención ás situacións de marxinación e exclusión social, medidas de integración social, política de inmigración, infancia, mocidade, muller e atención á terceira idade.
Correspóndelle, así mesmo, a xestión das políticas municipais en materia de turismo e promoción dos valores turísticos do Concello, agricultura, gandaría e montes, mercados e feiras e espectáculos públicos.
A promoción económica e o desenvolvemento local integran as políticas públicas tendentes á dinamización e potenciación da vida económica local, o deseño de plans estratéxicos de desenvolvemento económico, a planificación económica, a fixación de obxectivos para a promoción de actividades económicas no Concello e as relacións cos axentes sociais na procura de políticas integrais de desenvolvemento.
Asímesmo a información e defensa dos consumidores e a política en materia de consumo.

Área de cultura, deportes e participación cidadá

• Servizo cultura
• Servizo deportes e participación cidadá

Esta área engloba a xestión das políticas municipais de participación cidadá, xuventude, cultura, política lingüística e deportes e festas, relacións coas asociacións veciñais. Correspóndelle, tamén, a xestión da utilización dos equipamentos culturais e deportivos municipais.
Depende desta área a radio municipal e as publicacións, a xestión dos museos e exposicións, a promoción de actividades culturais, as escolas culturais e a xestión do patrimonio histórico.

Área de educación, igualdade e formación

• Servizo formación e emprego
• Servizo educación, sanidade e igualdade

No eido da Educación xestiona as políticas municipais de educación, de acordo coas competencias que legalmente se lle atribuíron aos concellos, a utilización dos equipamentos educativos de competencia municipal e a xestión do Conservatorio municipal de música.
Dependerán da área de Educación o grupo instrumental 3ª Idade e Coral, a Escola de Música municipal, Ancoradoira e o Conservatorio.
Esta área xestiona as políticas municipais no eido da formación ocupacional, atención ao emprego e políticas de inserción laboral.
Nos campos de Sanidade intégranse as políticas municipais de protección da salubridade público, cemiterios e servizos funerarios.
No eido de igualdade xestiona e coordina as políticas de igualdade a sua promoción e os servizos do CIM e o SAVIX.

Área de intervención-tesourería