Co motivo da celebración o 5 de xuño: Día Mundial do Medio Ambiente, a Concellaría de educación, igualdade e formación, dentro do Programa Municipal de Educación Ambiental, convoca o " Concurso Concello de Culleredo de Fotografía Medioambiental para escolares".

O obxectivo é concienciar á poboación cullerdense sobre as causas, efectos e solucións asociadas ao cambio climático e a perda da biodiversidade.

Está dirixido a todo o alumnado do último ciclo de primaria e do primeiro ciclo de secundaria de todos os centros públicos, concertados e privados do Concello de Culleredo.