Por que un Plan municipal contra o absentismo escolar?

O absentismo escolar é un problema que xera grandes dificultades para o desenvolvemento social, cultural, persoal e profesional dos menores.

Cal é a finalidade do Plan?

Este Plan ten como obxecto previr e reducir as situacións de absentismo escolar dos nenos/as e xoves en idade de escolarización obrigatoria.

A quen vai dirixido?

Ao conxunto do alumnado dos centros educativos do Concello de Culleredo

Cales son os obxectivos e accións do Plan?

• Coordinar os recursos educativos e sociais do municipio cara unha maior eficacia na prevención e intervención contra o absentismo
• Intervir dun xeito integral nas conductas absentistas para conquerir a asistencia regular ao centro e a integración dos menores

A Comisión Municipal de Absentismo Escolar

A Comisión é un espazo de traballo, que pretende un intercambio  de ideas entre responsables e profesionais vinculados competencialmente na loita contra o absentismo escolar baixo a filosofía  xeral de traballo de SUMAR ESFORZOS E ENGADIR RECURSOS desde a máxima implicación dos centros escolares e da administración local de Culleredo.

Composición da Comisión Municipal Contra o Absentismo Escolar:

• Concelleiro/a de Educación, que dirixirá os traballos da Comisión xeral.
• Representante da Inspección Educativa da Xunta.
• Concelleiro/a de Benestar Social
• Un coordinador/a de absentismo por centro de Educación secundaria.
• Un coordinador/a de absentismo por centro de Educación Primaria
• Un representante da Federación de ANPAS.
• Xefa de Servizo do Dpto. Municipal de Educación
• Xefa de Servizo do Area de Benestar Social
• Un administrativo da Concellaría de Educación que realice as funcións de secretario/a.
• Por cada titular designarase un suplente.

Contacto

DEPARTAMENTO MUNICIPAL DE EDUCACIÓN
Rúa Andrés Pan Vieiro, 30
15670 O BURGO
Tfno. 981.661208
educacion@culleredo.org