O Concello de Culleredo organiza o domingo, 8 de xuño, o Festival Municipal de Patinaxe Artística, que alcanza este ano a súa XX edición. Terá lugar no polideportivo do Burgo desde as 17.30 horas.
O Club Natación Culleredo celebrou a pasada fin de semana a clausura das súas actividades do curso. O Concello agradeceu ao Casino pola súa colaboración e felicitou o bo facer do club.
O paseo marítimo do Burgo acollerá o domingo, 1 de xuño, a terceira edición da Carreira pola Ría, cunha participación prevista de máis de 1.000 persoas. Está organizada pola asociación Castelo Deporte, coa colaboración do Concello. O carril bici quedará pechado por este motivo en horario de 10.00 a 15.00 horas.
O polideportivo municipal de Vilaboa e o de Almeiras foron designados como colexios electorais para as próximas Eleccións Europeas do 25 de maio, ocasionando cambios no seu uso.
O Concello de Culleredo ten aberto o prazo de inscrición nos campamentos deportivos da Deputación da Coruña para este ano. Os interesados poden anotarse ata o día 19 nos rexistros municipais.
O pasado venres 9 de maio deu inicio no Edificio Electo Carballo a fase final do XVI Campionato de Tute Concello de Culleredo. Son un total de 66 parellas as clasificadas, nas distintas sedes.
Culleredo acolle a partir de hoxe luns, 5 de maio, un curso de iniciación ao tiro con arco. Estará impartido polo Club de Tiro con Arco A Garrocha, situado na contorna de Tarrío, á saída da Terceira Rolda, coa colaboración do Concello de Culleredo
O monte Xalo baterá marca de asistencia na V Travesía do Xalo, que se desenvolverá o domingo, 27 de abril, en Culleredo. Organizada pola asociación Castelo Deporte coa colaboración do Concello de Culleredo, a cita reunirá a máis de 500 participantes nas diferentes modalidades que propón.
O goberno de Culleredo deseñou unha modernización total do campo de fútbol de Rutis, atendendo así á clara necesidade de mellorar as condicións do campo, manifestada polos usuarios. E é que o municipio conta cuns 1.500 veciños que practican fútbol nas diferentes categorías.
Culleredo será o domingo, 30 de marzo, a capital comarcal do judo. Máis de 400 nenos judokas participarán nos Xogos de Amizade, que se desenvolverán no polideportivo do colexio Rías Altas, na Zapateira.
Trámites en linea, tablón oficial, carpeta ciudadana...
Emisiones en directo y material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER